البيتزا باللحم المفروم

اول حاجه هنجيب قطعه الخميره ونحطها فى كوبايه ونضيف لها سكر ملعقه او ملعقه ونص صغيره ونقلبها فى شويه ميه بس مش تكون سخنه عشان الخميره مش تبوظ
المهم بعد ما نعمل كدا هنجيب الاناء اللى هنعجن فيه العجين ونحط فيه بيضه وذره ملح والخميره اللى عملناها وربع كوبايه زيت
زى الصوره دى كدا
البيتزا باللحم المفروم Ybul2do83

بعد ما نعمل كدا هنقلبهم فى بعض جداا لحد ما يبقوا شبه المياه خلاص
بعد كدا نضيف الدقيق لهم يعنى 3 كوبايات عشان تبقى كميه كويسه
زى الصوره دى
البيتزا باللحم المفروم Qcfib3jrg

ونعجنهم فى بعض وطبعا نحط على ايدينا زيت عشان العجين مش يلزق فى ايدينا
ونضيف ميه كل ما نحتاج لحد ما تبقى بالشكل دا
البيتزا باللحم المفروم Xpbee51o6

بعد كدا نسيبها بقى تخمر مع نفسها ونكمل احنا بقيت الحاجه
هنبدأ نجهز صلصه البيتزا
ودا بالمكونات
3 حبات طماطم عصير وبصله متوسطه مفرومه ومعلقه كبيره دقيق وزيت وملح بهارات

اول حاجه هنجيب البصله ونقشرها ونفرمها فى الكبه بالشكل دا
البيتزا باللحم المفروم Ckvido7l6

وبعد كدا هنعصر الطماطم فى الخلاط ونصفيها من البزور

البيتزا باللحم المفروم 1jnqyos47

وبعدين نجيب حله بقى ونحط فيها الزيت
والبصله المفرومه
لحد ما لونها يبقى دهبى
بعد كدا هنضيف ملعقه الدقيق الكبيره ونقلب ونضيف الطماطم ونقلب ونسيبها لحد ما تغلى ونضيف الملح والبهارات ونقلب ولحد ما تغلى وتبقى قوامها غليظ شويه
بالشكل دا
البيتزا باللحم المفروم Hrcqd1tf2

وبعد كدا نسيلها تبرد ونبدأ نعمل اللحمه المفرومه
هنفرم البصله برده وهنجيب اللحمه
البيتزا باللحم المفروم Xiq3gvqix

ونبدا باننا نحط فى الحله زيت وبعد كدا نحط البصله لحد ما تدى لون ذهبى
ونضيف اللحمه المفرومه
ونقلب لحد ما تتفتت كلها
ونضيف ملح وبهارات
لحد ما تبقى بالشكل دا
البيتزا باللحم المفروم Aclpwr9sw

بعد كدا نسيبها
ونفرد العجيبنه اللى طبعا حجمها كبر وبقت متخمره ونحط فى الصينيه 3 معالق زيت وندهن الصينينه كلها وبعد كدا نفرد العجينه بالشكل دا ونسيبها تخمر برده عما نجهز بقيت الحاجه
البيتزا باللحم المفروم O9w68h18d

ونبدأ بقى بتقطيع الحاجات اللى هنحطها فى البيتزا
ونقطه الزيتون دواير وقع صغيره والطاطم حلقات رقيقه جداا والفلفل الاخضر برده والجبنه الومى تاخد لفه واحده فى الكبه او بالسكينه قطع صغيره او بالمبشره اختارى اللى يناسبك
لحد ما تبقى المكونات بالشكل دا
البيتزا باللحم المفروم 5g7ehriqu

بعد كدا هنجيب الصينيه اللى حطينا فيها العجينه هنلاقى ان فعلا حجمها زاد
ونبدا بقى باول حاجه اننا نضيف الصلصه باللتساوى
بالشكل دا
البيتزا باللحم المفروم G64mjxnev

وبعد كدا نساوى الصلصه بالملعقه بالشكل دا

البيتزا باللحم المفروم 7icyx046x

وبعد كدا هنضيف اللحمه المفرومه بالتساوى بالشكل دا
البيتزا باللحم المفروم 7p6ulsxhv

وبعد كدا نضيف الفلفل الاخضر بالشكل دا

البيتزا باللحم المفروم Ntc1xvqsu

وبعد كدا نضيف الجبنه الرومى بالشكل دا
البيتزا باللحم المفروم G6qj49r8l

وبعد كدا نضيف الزيتون بالشكل دا هو مش باين بس لو دققتوا هتشوفوه عشان بس شبه اللحمه

البيتزا باللحم المفروم Bb22w2jyb

وبعد كدا نبدأ بوضع حلقات الطماطم بالشكل دا ونساوى السطح بالايدين بس بالضغط الخفيف

البيتزا باللحم المفروم Bk200s6lj

وبعد كدا نحطها فى الفرن ودرجه حراره هاديه ونسيبها لحد ما نلاقى ان الجوانب بدأت تدى لون احمر كداا
نقوم نشغل الشوايه ونرفع الصينيه من تحت لفوق
ونطفى الفرن من تحت ونسيبها مع الشوايه بقى ونخلى النار هاديه عشان متتحرقش
ونسيبها لحد ما نلاقى ان من فوق ادت لون الاستواء يعنى بقت لونها احمر كدا والطماطم نشفت واستوت وكدا يعنى زى الشكل دا كدا
البيتزا باللحم المفروم A2fyu34nv